ఎవరి వేగం ఎంతెంత?

ఎవరి వేగం ఎంతెంత?
మీరు ఇంటి నుంచి బడికి, తిరిగి బడినుంచి ఇంటికి ఎంత సేపట్లో చేరుతారు? ఈ ప్రశ్నకు జవాబు రెండు అంశాలపై అధారపడి వుంటుంది. ఒకటి - మీ ఇంటి నుంచి బడికి ఎంత దూరం వుంది, రెండు - మీరు ఎంత వేగంగా నడుస్తారు అన్నవే ఆ అంశాలు. అవునా? ఒక నిర్ధిష్ట సమయంలో మీరు ఎంత దూరం పోతారనే దానిని మీ నడకవేగం తెలియజేస్తుంది. ఉదాహరణకు ఒక్క గంటకాలంలో మీరు ఎంత దూరం నడుస్తారనేది మీ నడకవేగం. అలాగే ఒక గంట సమయంలో మీరు ఎంత దూరం పరిగెత్తుతారనేది మీరు పరిగెత్తగలిగే వేగాన్ని తెలుపుతుంది.వివిధ రకాల వాహనాల వేగం ఆయా వాహనాలను బట్టి, నెలకొల్పబడే మిషిన్లను ( యంత్రాలను ) బట్టి నిర్ణయించబడుతుంది. ఈ రోజుల్లో ఆఘమేఘాల మీద ముందుకు సాగిపోయే వాహనాలు మనకు ఎన్నెన్నో కనిపిస్తుంటాయి. ఈ మోటారు బండ్ల సంగతిని కొంచెం పక్కకు పెట్టి, ప్రకృతిలో వివిధ జంతువులు ఎంత వేగంగా ముందుకు పరిగెత్తుతాయి అన్న దాని గురించి ఇప్పుడు తెలుసుకుందాం. దేని కన్నా ఏది వేగంగా పోతుంది. ఎంత వేగంగా పోతుంది అన్న దానిని గమనిస్తూ ఈ వివరాలను చూడండి.
ఖడ్గమృగం గంటకు 45 కి.మీ. pilli
పిల్లిగంటకు 47 కి.మీ.

గబ్బిలన్ గంటకు 24 కి.మీ.

తాబీలు గంటకు 3 కి.మీ.

ఈనుగు గంటకు 39 కి.మీ.

ఎలుక్ గంటకు 10 కి.మీ.

ఒంటె గంటకు 32 కి.మీ.

మనిషి గంటకు 40 కి.మీ.లు (వేగంగా పరిగెత్తితే)గంటకు 17 కి.మీ

పాండా గంటకు 40 కి.మీ.

కుక్క గంటకు 67 కి.మీ.

లీది గంటకు 97 కి.మీ.

కన్గారూ గంటకు 72 కి.మీ.

చిరుతపులి గంటకు 113 కి.మీ.

నక్క్ గంటకు 72 కి.మీ.

కున్దేలు గంటకు 72 కి.మీ.

గుర్రాన్ గంటకు 77 కి.మీ.

జిరాఫీ గంటకు 56 కి.మీ.లు

మామూలు వేగంతో నడిచే మనిషి గంటకు సుమారు 5-6 కి.మీ.ల దూరం పోగల్గుతాడు. అయితే అతను సాధ్యమైనంత వేగంగా పరిగెత్తినట్లయితే మాత్రం ఒక గంట సమయంలో 40 కి.మీ.ల దూరం పోగల్గుతాడు. మరి మీ పరుగు వేగం ఎంతో మీరెప్పుడైనా చూసుకున్నారా? మీ వేగమెంతో తెలుసుకోవడం కోసం సరదాగా ఓ రెండు కిలోమీటర్ల దూరం పరిగెత్తి చూడండి. ఒక వేళ మీరు ఆ రెండు కిలోమీటర్ల దూరాన్ని 5నిమిషాలలో పరిగెత్తారనుకుందాం. అప్పుడు గంటకు, కిలోమీటర్లలో మీ పరుగు వేగం - (2÷5)×60 అవుతుంది. 2/5×60=24 కి.మీ.లు. అర్థమయ్యిందిగా. మీ నడక వేగాన్ని కూడా ఇలాగే తెలుసుకోండి